Nada no 1976 en Morgadáns (Gondomar). Guionista con experiencia en cine, televisión e teatro. Entre os seus traballos máis destacados no ámbito cinematográfico están comedias como a recente Me he hecho viral, Cuñados (e a súa secuela, + Cuñados) ou ¡Salta!. En televisión, ten escrito en series como Hierro (recoñecida por premios como os Ondas, os Feroz ou os do sindicato de guionistas ALMA), Padre Casares, Serramoura ou Cuarto sen ascensor. Ademais, traballou con persoas moi importantes do sector como Jorge Coira, Olga Osorio ou Carlos Sedes. Durante tres anos foi profesora de guión na Universidade de Santiago de Compostela.
