O Facom Fest regresa na súa cuarta edición con máis forza ca nunca e con novas propostas que prometen converter Santiago de Compostela nun punto de encontro esencial para o cinema e a creación audiovisual. Para poder facer realidade todo o que temos preparado, abrimos o noso crowdfunding oficial, un espazo no que calquera persoa pode aportar o seu gran de area e axudar a que o festival siga medrando.

As achegas que se recaden servirán para cubrir distintos aspectos da organización, como os premios ás obras gañadoras, a loxística das proxeccións e actividades, a realización de obradoiros e charlas, ou a creación do merchandising oficial do festival, entre outros elementos que fan posible que o Facom Fest manteña o seu espírito aberto, participativo e de calidade.