A escrita de novelas e o guión cinematográfico son dúas labores de creación artística con numerosos puntos en común, algo que resulta evidente se temos en conta a enorme cantidade de filmes que toman a literatura como fonte do argumento. Ambos procesos comparten elementos fundamentais como a construción de personaxes, o desenvolvemento dunha trama, o deseño de conflitos e a busca dunha voz narrativa capaz de conectar co público. Con todo, tamén presentan notables diferenzas, especialmente no modo en que se organiza o relato, no papel que xogan a imaxe e o son, e na forma na que a historia chega ao público final.

Nesta actividade pretendemos profundizar na relación entre estes dous ámbitos creativos. Analizaremos que sucede cando un texto literario se adapta a unha narración cinematográfica: qué se transforma e qué novas posibilidades xorden ao trasladar a linguaxe da novela á expresividade visual do cinema.

 Ao longo desta sesión trataremos todas estas cuestións a partir da experiencia conxunta da escritora Berta Dávila e o cineasta Álvaro Gago na creación do guión para o filme Porto Alegre. A través deste caso práctico profundaremos nos procesos colaborativos, na negociación entre visión literaria e dirección cinematográfica, e nas decisións creativas que permiten dar vida a unha obra pensada para a pantalla sen renunciar á súa identidade orixinal. A actividade busca así ofrecer unha visión inspiradora sobre o diálogo entre literatura e cinema, poñendo en valor o traballo que xorde do encontro entre formatos distintos.